Mae'r Swyddfa Docynnau yn Theatr y Colisëwm ar agor i gynnig gwasanaeth wyneb-yn-wyneb bob dydd Mawrth o 11.00 tan 2.00.

Mae'r Swyddfa Docynnau yn y Parc a’r Dâr ar agor i gynnig gwasanaeth wyneb-yn-wyneb bob dydd Iau o 1.00pm tan 4.00pm.

O ddydd Llun 8 Medi, bydd llinell ffôn ein Swyddfa Docynnau ar agor o ddydd Llun i ddydd Gwener 10am–4pm ar gyfer cwsmeriaid heb fynediad i’r rhyngrwyd neu y byddai’n well ganddyn nhw sgwrsio ag aelod o'n Carfan Swyddfa Docynnau gyfeillgar.

Lle bo modd, ewch i rct-theatres.co.uk/cy/ i brynu tocynnau.

Dewislen

Cysylltu â ni

Swyddfa Docynnau 03000 040 444

Iaith

EnglishCymraeg
Mewngofnodi
Swyddfa Docynnau 03000 040 444
EnglishCymraeg
ident/coliseum Created with sketchtool. ident/parkdare Created with sketchtool.
Dewislen

Dod o Hyd i Achlysur

icons/search Created with sketchtool.
Yn ôl i’r rhestr

Full House

In Stiwdio 1

Canolfan: Y Parc a'r Dâr Dyddiad: 25 - 26 Chwefror 2026 Celfyddydau: Drama
Full House

Perfformiadau

  • Dydd Mercher 25 Chwefror 2026 Mer 25 Chwef 2026 25 Chwef 26 7:00yh BSL T
  • Dydd Iau 26 Chwefror 2026 Iau 26 Chwef 2026 26 Chwef 26 7:00yh T
Archebu

FULL HOUSE

Byddwch yn barod am hwyl a sbri!

Ysgrifennwyd gan Hannah Lad

Cyfarwyddwyd gan Hannah McPake

Dewch i chwarae yn Full House – noson bingo ar ei orau. Sam yw eich gwesteiwr, bydd hi'n galw'r rhifau, ond beth sydd wir yn digwydd gyda hi mewn gwirionedd? Ydy hi'n iawn? Noson bingo ydy hon, ie? Pam bod gyda hi wrn?

Mae drama ddoniol a chyffrous Hannah Lad yn cymysgu doniolwch ag ychydig o dristwch i adrodd stori falch o'r Cymoedd am y llawenydd, y golled a'r cariad sy'n siapio pwy ydym ni. Mae gan Full House bopeth y gallech chi fod ei eisiau o noson allan wych yn y theatr; chwerthin, syrpreisys a llawer o galon – HOUSE!

Yn addas i bobl 16 oed a hŷn

Hyd y sioe: 50 munud (dim egwyl)

Cyd-gynhyrchiad gyda Theatrau Rhondda Cynon Taf, gyda chymorth Theatr Sherman a Chyngor Celfyddydau Cymru.

Gwybodaeth bwysig: Yn cynnwys iaith gref a themâu o alar a gamblo. Hefyd, goleuadau sy'n fflachio, synau mawr a rhannau rhyngweithiol sy'n cynnwys y gynulleidfa

Byddwn ni hefyd yn cynnal Teithiau Cyffwrdd am ddim o'r set ddydd Mercher 25 Chwefror a dydd Iau 26 Chwefror am 6.00pm. Dim ond hyn a hyn o leoedd sydd ar gael. Y cyntaf i'r felin fydd hi. Mae 'Taith Gyffwrdd' yn wych ar gyfer unigolion sy'n ddall neu sydd ag amhariad ar eu golwg, gan roi cyfle iddyn nhw ddod yn gyfarwydd â'r set cyn y perfformiad.

Disgrifiad Clywedol Bydd sesiwn fer 'nodiadau'r rhaglen' yn cael ei chynnal cyn pob perfformiad, sy'n esbonio'r awyrgylch, gwisgoedd, cymeriadau a'r antur. Gofynnwch yn y Swyddfa Docynnau os oes angen clustffonau arnoch chi.

Dehonglydd Iaith Arwyddion Prydain (‘BSL’): Julie Doyle

Perfformiad wedi'i ddehongli trwy Iaith Arwyddion Prydain ddydd Mercher  25 Chwefror am 7pm. Cynhelir perfformiad wedi'i ddehongli trwy Iaith Arwyddion Prydain (BSL) ar gyfer pobl ag anawsterau clyw sydd ag Iaith Arwyddion Prydain fel eu dewis iaith. Bydd cyfieithydd yn sefyll ar un ochr i'r llwyfan ac yn dehongli'r holl berfformiad wrth iddo ddigwydd. ​

Bydd perfformiad i ysgolion ddydd Iau, 26 Chwefror am 12.30pm. Ffoniwch y Swyddfa Docynnau ar 03000 040 444 neu e-bostiwch swyddfadocynnau@rctcbc.gov.uk i brynu tocynnau.

Croeso
i Theatrau RhCT
Cymraeg
Welcome
to RCT Theatres
English

3D 3D

Wrth wylio ffilm mewn 3D, rydych chi'n teimlo'n rhan o'r ffilm.  Mae delweddau o safon anhygoel - clir, llachar a realistig a sain o'ch cwmpas chi yn dod â'r stori yn fyw.  Dydych chi ddim yn profi'r adloniant yn unig; rydych chi tu mewn i'r adloniant.

AD Disgrifiad Sain

Sylwebaeth fyw wedi'i chydblethu â deialog yr actorion ydy disgrifiad sain. Caiff y sylwebaeth ei throsglwyddo drwy benset sy'n gysylltiedig â'r system sain is-goch. Bydd sesiwn fer 'nodiadau'r rhaglen' yn cael ei chynnal cyn y cynhyrchiad, sy'n esbonio'r awyrgylch, gwisgoedd, cymeriadau a'r antur.

BSL Iaith Arwyddion Prydain

Mae perfformiadau iaith arwyddion yn berffaith i'r rhai sy'n defnyddio'r iaith. Fel arfer, mae arwyddwyr sydd wedi derbyn hyfforddiant Iaith Arwyddion Prydain ('BSL') yn sefyll ar un ochr y llwyfan ac yn dehongli'r sgript sydd gan y perfformwyr ar yr un pryd ag y mae'n cael ei pherfformio.

R Dangosiad Sinema/Perfformiad Hamddenol

Mae'r dangosiad sinema/perfformiad yma ar gael i bawb. Serch hynny, fe fydd fwyaf addas ar gyfer y sawl a fydd yn elwa ar amgylchedd sy'n fwy hamddenol oherwydd bod ganddo/ganddi Anhwylder Sbectrwm Awtistiaeth neu anabledd dysgu, neu oherwydd ei fod neu ei bod yn teimlo'n bryderus am y tywyllwch, synau uchel neu leoedd cyfyng.

Mae Dangosiad Sinema/Perfformiad Hamddenol yn cynnig amgylchedd hamddenol, ble mae elfennau ohono yn cael eu haddasu er mwyn lleihau pryder neu straen. Caiff lefelau sain a golau eu haddasu er mwyn lleihau'r effaith. Does dim ots os oes llawer o sŵn a chaiff unrhyw un adael yr awditoriwm yn ystod y dangosiad sinema/perfformiad.

Mae mannau 'ymlacio' penodol yn cael eu paratoi y tu allan i'r awditoriwm gyda gweithgareddau i'w gwneud os ydyn nhw'n cael digon ar fod yn yr awditoriwm.

T Taith Gyffwrdd

Mae 'Taith Gyffwrdd' ar gyfer unigolion sy'n ddall neu sydd â nam ar eu golwg er mwyn iddyn nhw ddod yn gyfarwydd â'r set cyn y perfformiad.

C Ffilm/Perfformiad â Chapsiynau

Mae capsiynau’n dangos deialog ar y sgrin (tebyg i is-deitlau) a hefyd yn disgrifio sŵn/sain y ffilm/perfformiad. Mae hyn yn rhoi cyfle i aelodau’r gynulleidfa sy’n Fyddar/fyddar neu’n drwm eu clyw ddilyn y sgript a'r hyn sy'n digwydd yn y ffilm/perfformiad ar yr un pryd.

Ar gyfer perfformiadau byw, mae'r sgrin ar ochr y llwyfan.