Mae'r Swyddfa Docynnau yn Theatr y Colisëwm ar agor i gynnig gwasanaeth wyneb-yn-wyneb bob dydd Mawrth o 11.00 tan 2.00.
Mae'r Swyddfa Docynnau yn y Parc a’r Dâr ar agor i gynnig gwasanaeth wyneb-yn-wyneb bob dydd Iau o 1.00pm tan 4.00pm.
O ddydd Llun, 21 Gorffennaf tan ddydd Mercher, 3 Medi, bydd llinell prynu tocynnau dros y ffôn ein Swyddfa Docynnau ar agor 1pm-4pm rhwng dydd Mawrth a dydd Gwener ar gyfer y cwsmeriaid hynny sydd heb fynediad i'r rhyngrwyd neu y byddai'n well ganddyn nhw sgwrsio ag aelod o'n Carfan Swyddfa Docynnau gyfeillgar.
Lle bo modd, ewch i rct-theatres.co.uk/cy/ i brynu tocynnau.
Gan ddilyn twf aruthrol cerddoriaeth Roc a Rôl, mae Rave On yn daith gyffrous drwy ddegawdau mwyaf chwyldroadol cerddoriaeth. Byddwch barod am noson wefreiddiol yn llawn caneuon poblogaidd, gwisgoedd disglair, llwyfannu lliwgar a digonedd o ddawnsio!
Bydd yn cynnwys perfformiadau swynol o ganeuon mwyaf poblogaidd y 50au a'r 60au. Bydd Rave On yn cael ei berfformio gan grŵp o gerddorion ifainc sy'n ymddiddori yng ngherddoriaeth y cyfnod yma. O ymddangosiad cyntaf Roc a Rôl yn Sun Records ym Memphis, Tennessee i gerddoriaeth boblogaidd Prydain, dyma antur gerddorol nad ydych chi eisiau ei cholli.
Bydd Rave On yn cynnwys caneuon gan artistiaid megis Elvis Presley, Buddy Holly, Chuck Berry, The Beatles, Connie Francis, Neil Sedaka, Little Richard, Roy Orbison, Lulu, The Beach Boys a llawer yn rhagor.
Bydd Rave On yn brofiad cerddorol unigryw, gyda pherfformwyr blaenllaw o gynyrchiadau’r West End The Buddy Holly Story, Million Dollar Quartet a Dreamboats & Petticoats, bydd Rave On yn mynd â chi yn ôl i'r 50au a'r 60au am noson gofiadwy!
“A wonderful band” Brian May
“Had the audience dancing their fluorescent socks off!” Howard Goodall
Wrth wylio ffilm mewn 3D, rydych chi'n teimlo'n rhan o'r ffilm. Mae delweddau o safon anhygoel - clir, llachar a realistig a sain o'ch cwmpas chi yn dod â'r stori yn fyw. Dydych chi ddim yn profi'r adloniant yn unig; rydych chi tu mewn i'r adloniant.
AD
Disgrifiad Sain
Sylwebaeth fyw wedi'i chydblethu â deialog yr actorion ydy disgrifiad sain. Caiff y sylwebaeth ei throsglwyddo drwy benset sy'n gysylltiedig â'r system sain is-goch. Bydd sesiwn fer 'nodiadau'r rhaglen' yn cael ei chynnal cyn y cynhyrchiad, sy'n esbonio'r awyrgylch, gwisgoedd, cymeriadau a'r antur.
BSL
Iaith Arwyddion Prydain
Mae perfformiadau iaith arwyddion yn berffaith i'r rhai sy'n defnyddio'r iaith. Fel arfer, mae arwyddwyr sydd wedi derbyn hyfforddiant Iaith Arwyddion Prydain ('BSL') yn sefyll ar un ochr y llwyfan ac yn dehongli'r sgript sydd gan y perfformwyr ar yr un pryd ag y mae'n cael ei pherfformio.
R
Dangosiad Sinema/Perfformiad Hamddenol
Mae'r dangosiad sinema/perfformiad yma ar gael i bawb. Serch hynny, fe fydd fwyaf addas ar gyfer y sawl a fydd yn elwa ar amgylchedd sy'n fwy hamddenol oherwydd bod ganddo/ganddi Anhwylder Sbectrwm Awtistiaeth neu anabledd dysgu, neu oherwydd ei fod neu ei bod yn teimlo'n bryderus am y tywyllwch, synau uchel neu leoedd cyfyng.
Mae Dangosiad Sinema/Perfformiad Hamddenol yn cynnig amgylchedd hamddenol, ble mae elfennau ohono yn cael eu haddasu er mwyn lleihau pryder neu straen. Caiff lefelau sain a golau eu haddasu er mwyn lleihau'r effaith. Does dim ots os oes llawer o sŵn a chaiff unrhyw un adael yr awditoriwm yn ystod y dangosiad sinema/perfformiad.
Mae mannau 'ymlacio' penodol yn cael eu paratoi y tu allan i'r awditoriwm gyda gweithgareddau i'w gwneud os ydyn nhw'n cael digon ar fod yn yr awditoriwm.
T
Taith Gyffwrdd
Mae 'Taith Gyffwrdd' ar gyfer unigolion sy'n ddall neu sydd â nam ar eu golwg er mwyn iddyn nhw ddod yn gyfarwydd â'r set cyn y perfformiad.
C
Ffilm/Perfformiad â Chapsiynau
Mae capsiynau’n dangos deialog ar y sgrin (tebyg i is-deitlau) a hefyd yn disgrifio sŵn/sain y ffilm/perfformiad. Mae hyn yn rhoi cyfle i aelodau’r gynulleidfa sy’n Fyddar/fyddar neu’n drwm eu clyw ddilyn y sgript a'r hyn sy'n digwydd yn y ffilm/perfformiad ar yr un pryd.
Ar gyfer perfformiadau byw, mae'r sgrin ar ochr y llwyfan.
